首页 > 报纸波经 > 东方日报>  正文
2019-01-05 本文来源:互联网
今晚英格兰足总盃第3圈头场焦点,全面复甦嘅曼联主场迎战雷丁。「红魔」自看守领队苏斯克查接手后高举进攻旗帜,坚持有前冇后打法连赢4场,连劲沉嘅卢卡古都连续两仗后备入替有士哥,今场面对英冠仔雷丁,势必继续火力全开,主W太热冇肉食,3.5球嘅入球大更值得捧场。
(周六晚8时30分开赛、马会网上文字直播)
曼联看守领队苏斯克查,秉承球队传统进攻打法,依家全民皆攻,连格、安东尼马迪尔、拉舒福特会喺前场不断跑动做逼抢,然后发动反击坚有侵略性,令「苏B」带队后4场赢晒,成为红魔史上第2位领军头4仗全胜嘅新帅,拍住传奇教头毕树比。其实唔单止呢班正选有料到,今季坚沉被狂插嘅中锋卢卡古,虽然冇份打正选,但连续2场后备入替冇耐即入波,非常抢缰,连同阿历斯山齐士都好番,「苏B」大把进攻球员可用,难怪佢接手后4场狂轰14球,3次总入球开4球或以上,为他博取留任增添筹码。
雷丁遇曼联例唔缩
不过,苏斯克查呢种有前冇后嘅打法,亦令防线露出破绽,佢接手后4场只有1场保持不失,「苏B」强调佢的未失过「生波」,弊在防守敌军嘅死球战术未见改善。虽然雷丁位处英冠下游,但近年面对红魔坚进取唔玩死守,曾经作客淨吞4蛋,以及主场仅负3比4,预计今场会合演入球骚,3.5球嘅大盘有计。