首页 > 报纸波经 > 太阳报>  正文
2016-03-25 本文来源:互联网
澳职常规赛斗入最后直路!今日有场墨尔本胜利主场迎战西悉尼流浪者嘅王者大战。墨尔本胜利虽然係上季澳职盟主,不过近2个月状态真係唔多掂,至于作客嘅西悉尼流浪者为保住「一哥」优势,赛前特别进行进攻特训,一于撑2.55倍客胜。
(有线64及203周五下午4:40直播)
墨尔本胜利季初霸气近2个月完全冇晒,成队波似乎散散哋,2大外援球星巴巴路西斯同古希美,日前证实下季过档威灵顿凤凰,对于呢支排紧「梗颈六」嘅球队嚟讲,士气肯定受到极大打击。更何况后防谢利亚要为澳洲国家队服刑,今场真係好难畀到球迷信心囉。
西悉尼流浪者目前以1分领先墨尔本城同布里斯班狮吼排榜首,要拎冠军绝对唔可以轻易失分,好在佢哋近2仗1胜1和拎到4分,状态算係唔错,查实佢哋2场都佔尽上风,只係合共31次埋门仅入1球。唔怪得西悉尼流浪者喺今场赛前特别加强球员进攻训练,希望增加入球效率,以佢哋嘅决心同实力,作客赢波都唔係问题。